Pata nahi kahan se mere man me ek aise viluptpraya jeev ka khayal aaya jiske sanrakshan ki kisi ko fikra nahi hai.Na to sarkar aise jeevon ko bachane ki baat karti hai na koi sangathan hi is disha me kuchh prayas karta hua dikhta hai.Yahan tak ki humen ye bhi nahi malum hai ki aisi prajati ke kitne jeev duniya me bache hain(Bache bhi hain ya..........).Aap soch rahe honge ki ye prajati kaun si hai.Ye anokhi prajati hai-'imandaar aur sachche insan' ki.Chaunk gaye!! main bhi chaunka tha jab ye vichar mere man me aaye the.Fir socha to laga ki,ye sun ne me atpata zaroor lag raha hai, parantu hai poorntaya satya.Aisi 'prajati' ke logon ki sankhya lagatar ghat rahi hai tatha iski na aapko sudh hai na mujhe.Ye kaisi vidambana hai ki hum duniya bhar ke janwaron ko bachane ke liye to prayasrat hain lekin Ishwar ke is sabse utkrishth kriti ki hum andekhi kar rahe hain.Is disha me hum itne udaaseen kaise ho sakte hain?Sanrakshan to door ki baat hum to, jane-anjane,aise logon ki sankhya kam karne me hi sahayak ban rahe hain.
Is samasya ke saath ek aur khaas baat yeh hai ki,samanya manyata ke vipreet iska karan ashiksha nahi balki shiksha hai!!! Aaj insan jitna shikshit ho raha hai utna hi manaviya mulyon se door ja raha hai.Aaj 'arth' hi shiksha ka arth ban kar rah gaya hai.Yahi karan hai ki is vishaya par humen gambheer chintan karne ki zarurat hai.Kabeer ke kar ka manka dari de, man ka manka fer par amal karna hoga.Ant me mujhe ek prasiddh ghazal ki do panktiyan yaad aarahi hain....
"...do aur do ka jod hamesha char kahan hota hai,
soch samajh walon ko thodi nadani de maula."
soch samajh walon ko thodi nadani de maula."
4 comments:
its good. carry on. But u should also write in english.U should write in hindi font as Parth reddy said-anamika Chakravarty
My dear i won't post any comment rather i would like to put a question before you: what would you like to do on your behalf to make our countrymen aware of their fault? I 100% agree with your views, but i just want to know the step what u want 2 take in this regard. bas yehi kahunga dost: "koi bhi desh perfect nahin hota, use perfect banana padta hai, aur use perfect banate hain hum"
it needs introspection and u did full justice to your vision.they were just great n gives me the inspiration as well.
good...keep going
Post a Comment